Mo Leabharlann Bheag

Mála Leabhar Mo Leabharlann Bheag do gach leanbh atá ag tosú ar scoil i mbliana

Tá mála le leabhar curtha le chéile ag leabharlanna chun cabhrú le leanaí atá ag tosú ar scoil agus is féidir é a bhailiú ag leabharlann ar bith.

Comhoibriú idir leabharlanna, an Roinn Forbartha Tuaithe agus Pobail agus an Roinn Leanaí, Comhionannais, Míchumais, Lánpháirtíochta agus Óige is ea an tionscnamh ‘Mála Leabhar Mo Leabharlann Bheag’, agus gné den straitéis Na Chéad 5.

Mar chuid den tionscnamh, tá ‘Mála Leabhar Mo Leabharlann Bheag’ ar fáil saor in aisce do gach leanbh atá ag tosú ar scoil in 2024 chun cabhrú leo ullmhú don chéim mhór seo. Is féidir le leanaí agus a dtuismitheoirí nó a gcaomhnóirí na málaí a bhailiú ag leabharlann ar bith ar fud na tíre ó mhí an Mheithimh 2024.

I ngach Mála Leabhar Mo Leabharlann Bheag tá:

• Leabhar ar scoil a thosú nó cairde a dhéanamh nó a bheith compordach ionat féin.
• A gcárta leabharlainne féin agus sealbhóir cárta speisialta 'Mo Leabharlann Bheag’.

Tá na málaí leabhar ar fáil i nGaeilge agus i mBéarla.

Tá foirne na leabharlann ag súil go mór fáilte a chur roimh na leanaí 4 agus 5 bliana d'aois nuair a thagann siad isteach chun a gcuid málaí leabhar a bhailiú agus tús a chur lena mballraíocht leabharlainne.

Tar éis dóibh cuairt a thabhairt ar an leabharlann chun a mála leabhar a bhailiú, tá súil againn go dtiocfaidh ár mbaill leabharlainne nua agus a dteaghlaigh ar ais chugainn go rialta chun a málaí a choinneáil líonta le leabhair ar iasacht agus chun páirt a ghlacadh in amanna scéalaíochta agus ranganna agus sna himeachtaí eile ar fad a bhíonn ar bun againn sa leabharlann.

Tá tuilleadh tacaíochta chun cabhrú leis an aistriú go dtí an bhunscoil ar fáil ar an leathanach Bímis Réidh! ar Gov.ie.

Is féidir leat tuilleadh eolais a fháil faoi sheirbhísí leabharlainne chuig suíomhanna Luathfhoghlama agus Cúraim (ELC) agus cúram leanaí anseo

Scéalta Gaeilge mo Leabharlainne Bhig

Tá súil againn go mbainfidh tú taitneamh as na físeáin seo, atá chun tacú leat na scéalta Gaeilge a léamh le do pháistí.

Liosta de na focail Ghaeilge as na leabhair Ghaeilge do pháistí aistrithe go Béarla.

'Bí ag Spraoi Liom' á léamh ag Caoimhe Ní Chathail

Tá 'Bí ag Spraoi Liom' scríofa ag Sadhbh Devlin, maisithe ag Tarsila Kruse agus foilsithe ag Futa Fata.

'Beag Bídeach' á léamh ag John Sharpson

Tá 'Beag Bídeach' scríofa ag Sadhbh Devlin, maisithe ag Roisín Hahessy, agus foilsithe ag Futa Fata.

'Cócó an Colgán Cairdiúil' á léamh ag Caoimhe Ní Chathail

Tá 'Cócó an Colgán Cairdiúil' scríofa ag Ailbhe Nic Giolla Bhrighde, maisithe ag Brian Fitzgerald agus Foilsithe ag Futa Fata.

'Míp agus Blípín' á léamh ag Caoimhe Ní Chathail

Tá 'Míp agus Blípín' scríofa ag Máire Zepf, maisithe ag Paddy Donnelly agus foilsithe ag Futa Fata.

'Ó Chrann go Crann' á léamh ag John Sharpson

Tá 'Ó Chrann go Crann' scríofa ag Caitríona Hastings, maisithe ag Andrew Whitson agus foilsithe ag tSnáthaid Mhór.

'Percy Péacóg' á léamh ag John Sharpson

Tá 'Percy Péacóg' scríofa ag Gemma Breathnach, maisithe ag Tarsila Kruse agus foilsithe ag Futa Fata.